Dekabrın 20-də Rusiya prezidenti Vladimir Putin Donetsk və Luqansk “xalq respublikalarının”, həmçinin Zaporojye və Xerson vilayətlərinin rəhbərləri ilə görüşəcək.
Azpost.info xəbər verir ki, bu barədə “Vedomosti” qəzeti prezident administrasiyasına yaxın iki mənbəyə istinadən yazıb.
Mənbələrin bildirdiyinə görə, görüş nəzərdə tutulub, lakin hər şey prezidentin iş qrafikindən asılı olacaq.
Kremlin mətbuat xidmətinin məlumatına görə, Vladimir Putin sonuncu dəfə sentyabrın 30-da Denis Puşilin, Leonid Paseçnik, Yevgeni Balitski və Vladimir Saldo ilə şəxsən görüşüb, referendumdan sonra dörd yeni regionun Rusiyanın tərkibinə qəbul edilməsi haqqında sazişlər imzalanıb.
Rusiya Dumasının üzvü Viktor Vodolatski bildirib ki, qarşıdakı görüşdə federal ərazi orqanlarının nümayəndəliklərinin açılması müzakirə ediləcək. Putinin tapşırığı ilə bu istiqamətdə işlər 2023-cü il iyunun 1-dək başa çatdırılmalıdır.
Azpost.info
