Putin Rusiyada koronavirusa qarşı peyvəndin sentyabrda qeydiyyatdan keçiriləcəyinə ümid edir

14 May 2020 - 17:12

Rusiya Prezidenti Vladimir Putin yeni növ koronavirusa (COVID-19) qarşı “Vektor” peyvəndinin sentyabrda qeydiyyatdan keçiriləcəyinə ümid etdiyi bildirib.

APA-nın Moskva müxbirinin verdiyi məlumata görə, Rusiya dövlət başçısı intellektual mülkiyyətin qorunmasının təmin olunmasının vacibliyini qeyd edib.

“Çox ümid edirəm ki, koronavirusa qarşı peyvənd deyilən vaxtda – sentyabrda qeydiyyatdan keçiriləcək”, – deyə V. Putin genetik texnologiyanın inkişafı məsələsinə dair iclasda vurğulayıb.