Avropa Parlamentinin deputatları Rusiya prezidenti Vladimir Putin və onun belaruslu həmkarı Aleksandr Lukaşenko ilə bağlı xüsusi tribunal yaradılmasına səs veriblər.
Azpost.info xəbər verir ki, səsvermə nəticəsində avropalı parlamentarilər Rusiya aktivlərinin Kiyevə təzminat üçün istifadəsinə dair qətnamə də qəbul ediblər.
Sənədin qəbulunun lehinə 472 deputat, əleyhinə 19 deputat səs verib, 33 deputat bitərəf qalıb.
Avropa Parlamentinin üzvləri bildiriblər ki, tribunal təkcə Vladimir Putin və Rusiyanın siyasi və hərbi rəhbərliyini deyil, həm də Aleksandr Lukaşenko və onun əlaltılarını araşdırmaq yurisdiksiyasına malik olmalıdır.
Avropa Parlamenti Buça və İrpində baş vermiş hadisələri xatırladaraq qətllərdə rus hərbçilərinin günahkar olduğunu bildirib. Eyni zamanda Ukrayna ilə əməkdaşlıq çərçivəsində tribunalın yaradılmasına dərhal hazırlığın vacibliyi qeyd olunub.
“Gələcəkdə istifadə olunacaq sübutların təqdim edilməsində Ukrayna və beynəlxalq qurumlara dəstək verilməlidir”, – AP bəyan edib.
Azpost.info
