MDB-nin Sankt-Peterburqda keçiriləcək qeyri-rəsmi sammitində Rusiya prezidenti Vladimir Putinlə Ermənistan Baş naziri Ermənistan Baş naziri Nikol Paşinyan arasında ayrıca görüş nəzərdə tutulmayıb.
Azpost.info xəbər verir ki, bu barədə Rusiya prezidentinin mətbuat katibi Dmitri Peskov bildirib.
O əlavə edib ki, lazım gələrsə, iki ölkənin liderləri danışa biləcəklər.
Qeyd edək ki, Paşinyan MDB ölkələri liderlərinin Sankt-Peterburqda keçiriləcək qeyri-rəsmi görüşündə iştirak etməyəcəyini deyib.
O, özünün “Facebook” səhifəsində COVID-19 testinin əvvəl müsbət, sonra isə mənfi nəticə verməsi səbəbindən görüşə qatılmayacağını bildirib.
Eyni zamanda, Paşinyan Aİİ-nin Ali İqtisadi Şurasının cümə axşamı keçiriləcək iclasında iştirakla bağlı hələlik qərar qəbul etməyib.
“Bazar ertəsi, dekabrın 23-də COVID üçün testim müsbət çıxdı. Dekabrın 23 və 24-də özümü təcrid etdim və iqamətgahda işlədim. Dekabrın 25-də diaqnozum artıq mənfi idi və mən adi işimə qayıtdım. Lakin həmkarlarımla məsləhətləşdikdən sonra bu gün Sankt-Peterburqda keçiriləcək MDB ölkələrinin liderlərinin qeyri-rəsmi sammitində iştirak etməyəcəyəm”, – Paşinyan yazıb.
Azpost.info
