Rusiya nefti və dəniz yolu ilə daşınan neft məhsullarına qiymət embarqosunun tətbiqindən sonra Qərb Rusiya yanacağını əvəz edəcək vasitə axtarır.
Azpost.info xəbər verir ki, “Bloomberg”ə görə, bu prosesdə ən mühüm amil Çindən yanacağın tədarükü ola bilər.
Avropa İttifaqı (Aİ) ötən il Rusiyadan təxminən 220 milyon barel dizel yanacağı idxal edib. Agentlik yazır ki, belə həcmdə Rusiya yanacağının dəyişdirilməsi çətin, lakin mümkündür.
2021-ci ildə Rusiyanın yanacaq idxalına məhdudiyyətlər qoyan Aİ və Britaniyaya daşınmaların yarıdan çoxu Rusiyadan gəlirdi. Lakin dekabr ayına qədər bu pay təqribən 40 faizə düşüb.
“Bloomberg”in məlumatına görə, Aİ və Britaniyaya yanacaq tədarükünün ən bariz yeni qaynağı Yaxın Şərq ölkələridir. Lakin dünya bazarlarına yanacağın ən mühüm potensial tədarükçüsü Çin ola bilər. Çindən gələn dizel yanacağının yalnız bir hissəsi birbaşa Avropaya ixrac edilir. Lakin Çindən ixracın dolayı yolla artması vəziyyətə ciddi təsir edir. Dünya bazarında digər regionlara tədarükləri artırmaqla, potensial olaraq Avropaya çatdırıla bilən digər təchizatçılardan yanacaq həcmləri buraxılır.
Qlobal yanacaq ixracı axınlarının yenidən bölüşdürülməsi prosesi artıq başlayıb. Agentliyin məlumatına görə, dekabrda Çindən dizel yanacağının daşınması ən azı 2016-cı ildən bəri ən yüksək səviyyəyə çatıb. Çinin 2023-cü il üçün yanacaq ixracı kvotası ötən ilin eyni dövrü ilə müqayisədə demək olar ki, 50 faiz artıb.
Aİ-nin Rusiyadan neftin dəniz daşınmasına dair qiymət embarqosu dekabrın 5-dən qüvvəyə minib. Avropa İttifaqı və G7 ölkələri banklara, sığortaçılara və limanlara Rusiya neftinin alqı-satqısını maliyyələşdirməyi, gəmilərdə yüklərin sığortalanmasını və ya tankerdə Rusiya neftinin və ya neft məhsullarının qiyməti müəyyən edilmiş həddi keçdiyi halda onların boşaldılmasını qadağan edib.
Azpost.info
