“Qərb dünyada ərzaq təhlükəsizliyini sarsıdıb” –Rusiyanın ABŞ-dakı səfiri

“Qərbin savadsız makroiqtisadi addımları dünyada ərzaq təhlükəsizliyini sarsıtdı”.

Azpost.info xəbər verir ki, bunu Rusiyanın ABŞ-dakı səfiri Anatoli Antonov deyib.

Onun sözlərinə görə, bu sahədə problemlər Ukraynadakı xüsusi əməliyyatdan xeyli əvvəl başlayıb: “Ərzaq təhlükəsizliyi bir neçə ildir ki, Qərbin savadsız makroiqtisadi addımları ilə zədələnib. COVID-19 pandemiyasının nəticələri ilə isə daha da dərinləşib. Başqa sözlə, problemlər Rusiyanın Ukraynada xüsusi əməliyyatına başlamazdan xeyli əvvəl yaranıb”.

Antonov əlavə edib ki, ərzaq böhranının kəskinləşməsi birtərəfli və qeyri-qanuni anti-Rusiya sanksiyaları dalğasından sonra baş verib: “Bu, tədarük zəncirlərini pozub, beynəlxalq maliyyə axınlarında fasilələr yaradıb. Qərblilərin onların qadağalarının ərzaq və gübrələrin tədarükünə aidiyyəti olmadığı barədə açıqlamaları hiylədir, çünki dünya ərzaq bazarlarında vəziyyət maliyyə və nəqliyyat sektorundakı sanksiyalardan birbaşa təsirlənir. Rusiya kənd təsərrüfatı məhsulları, gübrələr, enerji daşıyıcıları və digər mühüm malların ixracı ilə bağlı beynəlxalq müqavilələr üzrə öhdəliklərinə sadiq qalır”.

Azpost.info

Əvvəlki məqalə

Türkiyə “Skandinaviya dosyesi” hazırlayıb –

Sonrakı məqalə

Bakıda G20 Dinlərarası Forum çərçivəsində beynəlxalq konfrans keçirilir –