Qətər Dövləti İsrailin Qətərin paytaxtı Dohada HƏMAS Siyasi Bürosunun bir neçə üzvünün məskunlaşdığı yaşayış binalarına qorxaqcasına hücumunu kəskin şəkildə pisləyir.
AzPost -un məlumatına görə, bu barədə Qətər Xarici İşlər Nazirliyinin sözçüsü Məcid Əl Ənsari bəyanatında deyib.
“Bu cinayətkar hücum bütün beynəlxalq qanun və normaların kobud şəkildə pozulmasıdır və Qətərlilərin və Qətər sakinlərinin təhlükəsizliyinə ciddi təhdid yaradır”.
Nazirlik bildirir ki, təhlükəsizlik qüvvələri, mülki müdafiə və aidiyyəti orqanlar hadisə ilə bağlı dərhal müvafiq tədbirlər görüb, onun nəticələrinin qarşısının alınması, sakinlərin və ətraf ərazilərin təhlükəsizliyinin təmin edilməsi üçün zəruri tədbirlər həyata keçirib.
“Qətər Dövləti bu hücumu qətiyyətlə pisləyir. Lakin bir daha bəyan edir ki, İsrailin regional təhlükəsizliyə davamlı zərbə vurmasına və ya onun təhlükəsizliyinə və suverenliyinə qarşı hər hansı hərəkətə dözməyəcək. Ən yüksək səviyyədə araşdırma aparılır və əlavə təfərrüatlar məlum olan kimi açıqlanacaq”-deyə bəyanatda vurğulanır.
