İsrailin Qəzza zolağına qarşı apardığı müharibədə həlak olan fələstinlilərin sayı 58 mini keçib.
AzPost-un məlumatına görə, “Əl-Cəzirə” telekanalı Qəzza Səhiyyə Nazirliyinə istinadən xəbər verir.
Nazirlik bildirib ki, İsrailin hərəkətləri nəticəsində təsdiqlənmiş itkilərin ümumi sayı 58 026 nəfərə çatıb. 2023-cü il oktyabrın 7-də başlayan müharibədən bəri həlak olanların yarıdan çoxu qadın və uşaqlardır. Qəzzanın Səhiyyə Nazirliyi də ən azı 138 500 nəfərin yaralandığını bildirib.
2023-cü il oktyabrın 7-də Qəzza zolağından HƏMAS yaraqlılarının İsrail ərazisinə daxil olmasından sonra Yaxın Şərqdə vəziyyət kəskin şəkildə pisləşib. İsrail Qəzzanı tam blokadaya aldığını elan edib və zolağında hərbi əməliyyata başlayıb. Bu il mayın 18-də İDF Gideonun arabaları adlı genişmiqyaslı quru əməliyyatı çərçivəsində sektorun şimal və cənub bölgələrində hərbi əməliyyatlara başlandığını elan edib.
