Münhen hava limanında qaçaqmalçılıq ittihamı ilə saxlanılan məşhur kinoaktyor və Kaliforniyanın keçmiş qubernatoru Arnold Şvartsenegger sərbəst buraxılıb.
Azpost.info Bild qəzetinə istinadən bildirir ki, Münhen gömrük departamentinin rəhbəri Tomas Mayerin açıqlamasına görə aktyora 35 min avro cərimə kəsilib.
Gömrükçülər kinoaktyoru üç saat dindiriblər. Mayerin sözlərinə görə, Münhen gömrük idarəsi 76 yaşlı aktyora qarşı vergidən yayınma faktı ilə bağlı araşdırma aparıb. O deyib ki, Şvarsenegger özü ilə gətirdiyi “Audemars Piguet” saatını bəyan etməli idi.
Saatın 26 min avro dəyərində olduğu dəqiqləşdirilir. Bundan əlavə, kinoaktyor dörd min avro vergi və beş min avro cərimə ödəməli olacaq. Gömrük rüsumlarının 50 faizi nağd şəkildə ödənilməli olduğu üçün Şvartsenegger kredit kartı ilə ödəniş edə bilməyib. Aktyoru banka hava limanının əməkdaşı müşayiət edib.
Öz növbəsində Şvartsenegger saatı hərracda sataraq xeyriyyə layihəsi kimi təqdim edəcəyini izah etməyə çalışıb.
Azpost.info
