Həkimlər omeqa-6 yağ turşuları ilə zəngin yağlardan istifadənin potensial təhlükələri barədə xəbərdarlıq edib. Bu yağlar qanda laxtalanma riskini artıra bilər.
Azpost.info bildirir ki, qan laxtalanması bədəni həddindən artıq qan itkisindən qoruyan zəruri bir prosesdir. Lakin qan damarlarında təbbi şəkildə həll olmayan laxtalar əmələ gəldikdə vəziyyət təhlükəli hala gəlir. Bu laxtalar qan axınını maneə törədə bilər və bu da beyində insult və ağciyərlərdə tromboemboliyaya səbəb olur.
Qanda laxtalanma riskinin yaranmasına təsir edən bir çox amil var. Qidalanma bunun arasında əhəmiyyətli rol oynayır. Yağlı və duzlu qidaların damar sağlamlığını pisləşdirə biləcəyi məlumdur. Lakin yemək bişirmək üçün istifadə olunan yağ növü də öz rolunu oynayır.
Mütəxəssislər müəyyən növ bitki yağları ilə ehtiyatlı olmağı məsləhət görürlər.
Qızardılmış qidaların müntəzəm yeyilməsi ateroskleroza – arteriyaların sərtləşməsinə və daralmasına səbəb ola bilər. Bu da sonradan qan laxtalarının əmələ gəlməsinə kömək edir.
Bu yağlar “pis” xolesterol adlanan aşağı sıxlıqlı lipoprotein (LDL) səviyyəsini artıra bilər. Bundan əlavə, o, qan damarlarının divarlarına qarşı xüsusilə aqressiv olan, onları zədələyən və lövhə əmələ gəlməsinə kömək edən oksidləşmiş formaya çevrilə bilər.
Əksər bitki yağları omeqa-6 yağ turşuları ilə zəngindir. Bu yağ turşularının həddindən artıq miqdarı bədəndə iltihaba səbəb ola bilər. Qızdırıldıqda bu yağlar strukturunu dəyişdirə və daha da iltihabyaradıcı hala gələ bilər. Xroniki iltihab aterosklerozun inkişafının əsas mexanizmlərindən biridir. O, lövhənin ilkin əmələ gəlməsindən tutmuş onun yığılmasına və qan damarlarının tıxanmasına qədər təsir edir.
Omeqa-6 ilə zəngin yağlara aşağıdakılar daxildir:
kanola;
soya;
günəbaxan;
qarğıdalı.
