“Qarabağ” klubu hücumçu Hamidu Keytayla yollarını ayırıb.
Bu barədə klubun rəsmi saytı məlumat yayıb.
29 yaşlı fransalı hücumçu ilə müqaviləyə qarşılıqlı razılaşma ilə xitam verilib.
Onu da bildirək ki, Türkiyə mətbuatının yazdığı məlumata görə, forvard Türkiyənin “Konyaspor” klubuna keçəcək.
Qeyd edək ki, 2023-cü ilin yayından “Qarabağ”da çıxış edən Keyta bu müddətdə 54 matça çıxıb və 9 qol vurub. O, Premyer Liqada 31 (7 qol), kubokda 6 (2 qol), avrokuboklarda 17 oyun keçirib. Hamidu “Qarabağ”la Azərbaycan çempionu və kubokunun qalibi olub.
