Qarabağda vuruşmuş Rusiya vətəndaşına 10 il həbs verildi

22 İyul 2021 - 10:54

Bu gün Ermənistan tərəfindən Qarabağda qanunsuz silahlı birləşmələrin tərkibinə cəlb olunmuş Rusiya vətəndaşı Dubakov Eduard Sergeyeviç barəsində olan cinayət işi üzrə məhkəmə prosesi başa çatıb.

Bakı Ağır Cinayətlər Məhkəməsində hakim Samir Əliyevin sədrliyi ilə keçirilən prosesdə hökm oxunub.

Hökmə əsasən, E.Dubakov 10 il müddətinə azadlıqdan məhrum edilib.

O, cəzasını ümümi rejimli cəzaçəkmə müəssisəsində çəkəcək.

Bundan başqa, hökmdə qeyd edilib ki, E. Dubakov cəzası başa çatandan sonra Azərbaycan hüdudlarından məcburi çıxarılmalıdır.