“Azərbaycanla Ermənistan arasında yeni müharibənin baş verməsi mümkündür. Bu müharibə 2020-ci ildə olduğundan daha qısa, lakin dramatik olacaq”.
Azpost.info bildirir ki, bu barədə ABŞ-ın analitik nşəri olan “Foreign Policy”nin analitiklərinin 2023-cü il üçün hazırladıqları proqnozlarında açıqlanıb.
Analitiklər qeyd ediblər ki, Rusiya-Ukrayna müharibəsinin yaratdığı böhranın təsiri Cənubi Qafqazda xüsusilə kəskin olub. “Son müharibədən keçən iki ildən sonra Ermənistan və Azərbaycan yeni qarşıdurmaya doğru hərəkət edir. Yeni əvvəlki 6 həftəlik müharibdən qısa, amma dramatik olacaq”.
Proqnozlarda deyilir ki, 2020-ci ildə Azərbaycan Qarabağ anklavının bir hissəsini və ətraf rayonları əldə saxlayan erməni ordusunu darmadağın edib: “O vaxtdan bəri balans Azərbaycanın xeyrinə daha çox dəyişib. Erməni ordusu öz qoşununu və silahlanmanı bərpa edə bilməyib. Ənənəvi silah tədarükçüsü olan Rusiyanın Ermənistana silah göndərməyə imkanı çatmır. Azərbaycan isə əksinə daha da güclənir. Azərbaycan ordusu Ermənistan ordusunu bir neçə dəfə üstələyir, o daha yaxşı təchiz edilib və Türkiyə tərəfindən dəstəklənir. Avropanın Azərbaycan qazına olan ehtiyacı Bakını daha da möhkəmlədib”.
Təhlildə deyilir ki, 2020-ci ildə rus sülhməramlıları Qarabağa gəlib. Rusiya yeni cəbhə xəttinə çevrilən erməni-azərbaycanlı sərhədində sərhəd xidmətini və hərbi personalını artırıb. Guman olunurdu ki, bununla Bakı Moskvanın əleyhinə getməkdən çəkinəcək, az da olsa bu sülhməramlı kontingent yeni hucumların qarşısnı ala biləcək.
Amma ruslar ötən il baş vermiş bir neçə qarşıdurmanın qarşısını ala bilmədilər. Azərbaycan ordusu Qarabağın bir sıra strateji yüksəkliklərini tuta bildilər: “Ukraynada müharibə Azərbaycan və Ermənistan arasında sülh sazişinin üstünə kölgə saldı. 2020-ci ildə imzalanmış atəşkəsə əsasən regionda kommunikasiyalar, o cümlədən Ermənistandan birbaşa dəhliz açılmalı idi. 2020-ci ildən sonra Ermənistan Qarabağa xüsusi statusun verilməsi ilə bağlı çoxillik tələbindən əl çəkib, o Qarabağda yaşayan ermənilər üçün təhlükəsizlik və hüquqlar istəyir. Bakı isə bəyan edir ki, yeri ermənilər Azərbaycan vətəndaşlarının malik olduğu istənilən hüquqa malik olacaqlar”.
“Nəticədə ortalıqda sülh sazişinin iki layihəsi dövr edir: Biri Rusiya tərəfindən hazırlanıb, digəri isə Qərbin dəstəyi ilə Ermənistan və Azərbaycan hazırlayıb. Hər bir layihədə ticarət və sərhəddə sabitlik məsələləri əks edilib. Qarabağ ermənilərinin taleyi isə əlahiddə məsələ kimi kənarda saxlanılır bu sülh prosesinə aid edilmir. Qərb tərəfindən dəstəklənən ikitərəfli istiqamət daha perspektivli görünür. Amma Moskvanın buna necə reaksiya verəcəi məlum deyil. İstənilən halda hər iki tərəf bir-birindən çox uzaqdır. Bakının əlində bütün kartlar var və o bu sazişdən daha çox uduş əldə edəcək.
Təhlükəli olan isə odur ki, əgər bu danışıqlar nəticəsiz olsa, yaxud yeni qarşıdurma qığılcımı baş versə Azərbaycan öz gücü ilə hər şeyi götürəcək”-deyə “Foreign Policy”nin 2023-cü il üçün proqnozunda deyilir.
Azpost.info
