Qarabağdakı sülhməramlılarının yeni komandanı Ermənistan müdafiə naziri ilə görüşüb-FOTO

Ermənistanın müdafiə naziri Arşak Karapetyan Rusiya nümayəndə heyəti ilə görüşüb. Nümayəndə heyətinin tərkibində Rusiya sülhməramlılarının keçmiş komandanları general-leytenant Rüstəm Muradov, general-mayor Mixail Kosobokov və bu vəzifəyə yeni təyin olunmuş general-leytenant Gennadi Anaşkin olub.

Ermənistan Müdafiə Nazirliyinin məlumatında bildirilir ki, Cənub Hərbi Dairəsi komandanının müavini, general-leytenant Rüstəm Muradov Qarabağdakı Rusiya sülhməramlı kontingentinin yeni komandanı, Rusiya qəhrəmanı, general-leytenant Gennadi Anaşkini təqdim edib.

Tərəflər Rusiyanın bölgədəki hərbi-siyasi vəziyyətin sabitləşməsinə yönəlmiş səylərini yüksək qiymətləndirib. Görüşdə Qarabağdakı Rusiya sülhməramlılarının fəaliyyəti müzakirə edilib, sülhməramlı missiyanın səmərəli fəaliyyətindən məmnunluq ifadə olunub.

Görüş iştirakçıları regional təhlükəsizlik problemləri ilə bağlı da fikir mübadiləsi aparıb.

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

Dünyanın ən böyük içki şirkətinin sabiq rəhbəri ömürlük azadlıqdan məhrum edilib

Sonrakı məqalə

“Taliban” Tacikistanla sərhədə xüsusi təyinatlı qoşun toplayıb