Qazaxıstandan olan evli cütlük Crown Sydney kazinosunda fırıldaq yolu ilə 1 milyon dollardan çox pul udmaqda ittiham olunur.
AzPost bildirir ki, bu barədə Daily Mail qəzeti məlumat verib.
Cümə axşamı günü kazino işçiləri köynəyinin altında Disney yamağı olan kamera gizlədilmiş 36 yaşlı qadını həbs ediblər. Yeni Cənubi Uels Polis Mütəşəkkil Cinayətkarlıq Bölməsinin əməkdaşları kazinoya baş çəkərək qadını və onun 44 yaşlı ərini saxlayıblar.
Polis iddia edib ki, kameradan əlavə cütlükdə maqnit sensorlar, batareyalar, kameranı gizlətmək üçün bərkidicisi olan mobil telefon və eyni cihaz üçün xüsusi hazırlanmış kiçik güzgü də olub.
