“Gənc Vətənpərvərlər” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Gənclərin vətənpərvərlik ruhu ”layihəsinin icrasına başlanılıb.
İclasda GVB-nin İdarə Heyəti, birliyin yerli təşkilatların təmsilçiləri və fəxri üzvləri iştirak edirdilər. Konfransı giriş sözü ilə acan layihə rəhbəri M. Əliyev açaraq gündəlikdə duran məsələləri tədbir iştirakcıların nəzərinə çatdırdı və qeyd etdi ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra olunan layihə ilə bağlı birliyin İdarə Heyətində müzakirə olunub və icra planına uyğun olaraq ilk növbədə layihə rəhbəri və mühasibdən ibarət işçi heyəti formalaşdırılıb, əmr və müqavilələr hazırlanıb. Bunun xaricində təşkilatın 10 fəalı da könüllü olaraq layihəyə cəlb edilib. İşçilər arasında müvafiq təlimatlar verilərək iş bölgüsü aparılıb. Bu mərhələdə həmçinin işçi heyətinin kollektiv müzakirəsi əsasında çap ediləcək bukletin məzmunu müəyyənləşdirilib.
Layihə üzrə təşkilat komitəsinin üzvü N. Quliyev bildirdi ki, icra olunan layihə 01 avqust 2024-cü il tarixdən 31 oktyabr 2024-cü il tarixə kimidir. 3 ay müddətində Bakı şəhəri ali təhsil müəssisələrində və Kolleclərdə həyata keçiriləcək.
Qeyd edək ki, layihənin əsas məqsədi gənclərin vətənpəvərlik ruhunda tərbiyə olunması vətənpərvərliyin və dövlətçiliyin gənclər arasında təbliğ olunması, gənclərin fiziki, psixoloji və mənəvi sağlamlığının artırılması, gənclər arasında təbliğat işinin gücləndirilməsi tərbiyəsinin geniş tədbiq edilməsi, narkomaniyadan və pis vərdişlərindən uzaq olması üçün ümumtəhsil orta ixtisas və ali təhsil müəssisələrində və eyni zamanda idman cəmiyyətlərində bu çərçivədə marifləndirmənin keçirilməsidir.
