Qırğızıstan Prezidenti Sadır Japarov MDB dövlət başçılarının bugünkü qeyri-rəsmi görüşündə iştirak etmək üçün Sankt-Peterburqa getməyəcək.
Azpost.info xəbər verir ki, Japarovun mətbuat katibi Erbol Sultanbayev bu qərarı ölkə başçısının iş qrafikinin sıxlığı ilə izah edib.
“İş qrafiki ilə əlaqədar Sadır Japarov MDB-nin Sankt-Peterburqda keçiriləcək qeyri-rəsmi sammitində iştirak etməyəcək”, – Sultanbayev deyib.
O qeyd edib ki, Qırğızıstan tərəfi Rusiya prezidenti Vladimir Putinin yubileyi münasibətilə Japarovun təbrikini çatdırmaq üçün görüşə öz nümayəndəsini göndərəcək. Sankt-Peterburqa dövlət katibi Suyunbek Kasmambetov gedəcək.
Azpost.info
