Münxendə qocalar evində baş verən yanğın nəticəsində 15 nəfər xəsarət alıb. Modern.az “Spiegel” qəzetinə istinadla xəbər verir ki, şəhərin mərkəzindəki tarixi binada yerləşən qocalar evində baş verən hadisə zamanı 60 nəfər təxliyə edilib.
Yanğının söndürülməsi üçün hadisə yerinə 120-dək yanğınsöndürən cəlb olunub, əraziyə giriş məhdudlaşdırılıb.
Təxliyə olunan sakinlər başqa yerlərə köçürülüb. Xəsarət alanların vəziyyətinin ağır olmadığı bildirilir.
