“Co Bayden administrasiyası dövlət başçısının aşağı reytinqlərindən xəbərdardır və onların nə ilə bağlı olduğunu başa düşür”.
Azpost.info xəbər verir ki, bunu Ağ Evin mətbuat katibi Karin Jan-Pyer deyib.
Onun sözlərinə görə, bu, ABŞ liderinin 2024-cü ildə keçiriləcək növbəti seçkilərdə iştirak etmək planlarını dəyişmir.
“Biz bu barədə danışmışıq. Bəli, başa düşürük, Amerika xalqının bu anda necə hiss etdiyini anlayırıq. İnflyasiyanın azaldılması və amerikalılar üçün yüksək xərclər prezidentin bir nömrəli prioritetidir”, – Jan-Pyer bildirib.
Mətbuat katibi qeyd edib ki, Bayden inflyasiya, o cümlədən iqlim, vergilər və səhiyyə ilə bağlı problemləri qanun layihəsi ilə həll etməyə çalışır: “Respublikaçılar Partiyasında dövlət başçısının bu təşəbbüsü uğursuz hesab edilir, lakin bu cür şübhələr əsassızdır. Bu qanun layihəsi inflyasiya ilə mübarizə aparacaq. Bu, həm respublikaçılar, həm də demokratlardan olan iqtisadçılar tərəfindən bəyan edilib”.
Azpost.info
