Roma Papası Fransisk prezident Vladimir Zelenskiyə məktub yazaraq əziyyət çəkən Ukrayna xalqına kömək etmək arzusunu ifadə edib və bu faciəyə son qoymaq üçün hər şeyi etməyə hazır olduğunu bildirib.
Azpost.info info xəbər verir ki, bunu Papanın elçisi kardinal Matteo Zuppi deyib.
Onun sözlərinə görə, Roma Papası Ukraynada tezliklə sülhün bərqərar olmasını arzulayır.
“Biz sülhün mümkün qədər tez bərqərar olmasına töhfə verməli, buna nail olmaq üçün nəyin lazım olduğunu başa düşməliyik. Kiyevə deyirəm ki, biz sizinləyik və bacardığımız qədər sülhün əldə olunmasına kömək edəcəyik”, – Zuppi qeyd edib.
Bu yaxınlarda Zelenski ilə görüşən Zuppi indi də Moskvaya səfər edəcəyini, orada hakimiyyət orqanları və Rus Pravoslav Kilsəsinin nümayəndələri ilə görüşəcəyini bildirib.
Azpost.info
