Rusiya İrana Ukraynada sınaqdan keçirilmiş qabaqcıl dron taktikaları üzrə təlim keçir. Bu ona Yaxın Şərqdə ABŞ və müttəfiqlərinin hədəflərinə qarşı effektiv zərbələr endirməyə kömək edir.
Azpost.info bildirir ki, bu barədə Qərb kəşfiyyat rəsmisi CNN-ə bildirib.
Mənbə deyib ki, bu kəşfiyyat məlumatları dronların Fars körfəzi ölkələrinin hava hücumundan müdafiə sistemlərinə effektiv şəkildə nüfuz etməsinə imkan verir.
ABŞ əvvəllər Rusiyanın hədəfləri seçmək üçün İranla kəşfiyyat məlumatlarını paylaşdığını bildirmişdi. Mənbə qeyd edib ki, onlarla mübarizə aparmaq üçün konkret taktiki tövsiyələr yeni bir dəstək səviyyəsi təşkil edir ki, bu da “daha çox narahatedicidir”. O, təfərrüatlara vamayıb. Lakin məlumdur ki, Rusiya İran tərəfindən hazırlanmış və modernləşdirilmiş “Şahed” dronlarını Ukraynaya qarşı istifadə edir: bir neçə təyyarə eyni vaxtda uçur və hava hücumundan müdafiə sistemlərindən yayınmaq üçün müntəzəm olaraq kursunu dəyişir.
Mənbə həmçinin əlavə edib ki, Qərb ümumiyyətlə Yaxın Şərqdəki münaqişənin inkişafından ciddi narahatdır. Xüsusilə, iranlıların Hörmüz boğazını minalamaları, eləcə də təyyarədaşıyanlar da daxil olmaqla, Amerika hərbi gəmilərinə hücum etmək üçün dəniz dronlarından və hətta balıqçı qayıqlarından istifadə etmələri ilə bağlı narahatlıqlar yaranır.
