“Avropa ölkələrinin hökumətləri kimin Rusiya ilə bütün münasibətləri kəsmək arzusunu daha qəzəbli şəkildə söylədiyini görmək üçün yarışa giriblər”.
Azpost.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev özünün “Teleqram” kanalında yazıb.
Onun sözlərinə görə, Baltikyanı ölkələr, Polşa və Finlandiya bu məsələdə xüsusi canfəşanlıq göstərir.
“Lakin rəy sorğularının nəticələrindən görünür ki, adi vətəndaşlar sağlam düşüncələrini itirməyiblər. Avropa İttifaqı ölkələrinin sakinlərinin yarıdan çoxu Rusiya ilə əlaqəni kəsməyə qətiyyən həvəs göstərmir. Onlar əvvəllər olduğu kimi, tam hüquqlu bir münasibət – normal şəxsi təmaslar, Rusiya qazının alınması, Rusiya ilə uğurlu ticarət istəyirlər”, – Medvedev qeyd edib.
Medvedev Rusiyanın da dinc əməkdaşlıq, ticarət, mübadilə istədiyini deyib: “Biz özümüzü heç kimə qapatmırıq. Hər bir sağlam təklifi dəstəkləyirik”.
Azpost.info
