Rusiyanın öz ərazisindəki xarici aktivlərlə bağlı güzgü tədbirləri görməyə bütün əsasları var.
Azpost.info xəbər verir ki, bunu Rusiya Dumasının sədri Vyaçeslav Volodin deyib.
O, ABŞ-ın dondurulmuş Rusiya vəsaitləri ilə bağlı qərarını belə şərh edib.
“Ölkəmizin indi xarici aktivlərə münasibətdə simmetrik qərarlar qəbul etmək üçün hər cür əsası var”, – Volodin qeyd edib.
O hesab edir ki, belə bir qərar Aİ ölkələrinə dağıdıcı təsir göstərə bilər. Volodin həmçinin Vaşinqtonun qərarının Ukrayna ordusunun hərbi qələbəsinə inamının itməsi ilə bağlı ola biləcəyini deyib.
Qeyd edək ki, ABŞ maliyyə naziri Canet Yellen Rusiyanın 300 milyard dollarlıq dondurulmuş valyuta ehtiyatlarının Ukraynaya köçürülməsi zərurəti ilə bağlı açıqlama verib.
Azpost.info
