“Politico” qəzeti Rusiya ilə dialoq üçün yeni potensial Avropa nümayəndələrinin adını açıqlayıb.
Azpost.info bildirir ki, siyahıya Avropa Şurasının prezidenti Antonio Costa, Finlandiyanın keçmiş prezidenti Sauli Niinistö və Avropa Komissiyasının keçmiş prezidenti Jan-Klod Yunker daxildir.
Qəzetin məlumatına görə, Aİ xarici işlər nazirləri bu həftənin əvvəlində qeyri-rəsmi görüşdə Moskva ilə birbaşa əlaqə imkanlarını müzakirə edə bilərlər.
Daha əvvəl “Politico” qəzeti Almaniyanın keçmiş kansleri Angela Merkel, Finlandiya prezidenti Aleksandr Stubb və İtaliyanın keçmiş baş naziri Mario Draqinin də mümkün danışıqlar aparanlar arasında olduğunu bildirib.
Avropa İttifaqı hələ Rusiya ilə yeni danışıqlar formatlarının hazırlanmasını rəsmi olaraq elan etməyib.
Son həftələrdə Avropa siyasətçiləri münaqişənin həlli üçün diplomatik mexanizmlərin tapılmasının vacibliyindən getdikcə daha çox danışırlar. Slovakiyanın Baş naziri Robert Fiko əvvəllər Avropa liderlərinin onun Moskva ilə əlaqələrini açıq şəkildə tənqid etdiyini, lakin sonra Rusiya prezidenti Vladimir Putinlə danışıqlarının təfərrüatlarını öyrənməyə çalışdığını bildirmişdi.
