İtaliyanın Moskvadakı səfiri Corco Staraçe Rusiya Xarici İşlər Nazirliyinə (XİN) çağırılıb.
Azpost.info xəbər verir ki, bu barədə Rusiya XİN məlumat yayıb. Səfirə İtaliyanın Rusiyadakı 24 diplomatının “persona non-qrata” elan edildiyi bildirilib. “Rus diplomatlarının İtaliyadan çıxarılmasına qarşı cavab tədbirləri görülüb”, – nazirlik qeyd edib.
Aprelin əvvəlində İtaliyanın xarici işlər naziri Di Mayo 30 rus diplomatının ölkədən çıxarıldığını elan edib. XİN rəhbəri bu qərarı milli təhlükəsizlik məsələləri ilə əlaqələndirib.
Azpost.info
