Kremlin elmdə sıçrayış etmək və Qərbi əvəz edəcək texnologiyalar yaratmaq tələblərinə baxmayaraq, Rusiya qlobal elmdə mövqelərini itirməkdə davam edir.
Azpost.info xəbər verir ki, Rusiya “Nature” jurnalının dərc etdiyi dünya elmi mərkəzlərinin reytinqində daha 2 mövqe itirərək 22-ci yerə enib.
Ötən il ərzində dünya elmi nəşrlərində rusiyalı alimlərin payı 17 faiz azalıb. Bu, “ilk 30” reytinqdə yer alan bütün ölkələr arasında rekord göstəricidir. Nəticədə, Rusiya bütün tədqiqat dövründə ilk dəfə Avstriya və Tayvanı geridə qoyaraq “ilk iyirmilik”dən çıxıb.
Dünyanın 500 aparıcı tədqiqat təşkilatı siyahısına yalnız iki Rusiya elmi mərkəzi daxildir. Ötən ilin sonunda Rusiya Elmlər Akademiyası 94-cü yerə enib, baxmayaraq ki, 2023-cü il reytinqində 71-ci, müharibədən əvvəlki 2021-ci ildə isə 44-cü yeri tutmuşdu. İl ərzində Rusiya Elmlər Akademiyasının alimləri aparıcı elmi jurnallarda 507 məqalə dərc ediblər ki, bu da bir il əvvəlkindən (768) üçdə bir azdır və onların sıradakı payı 17 faiz azalıb.
Azpost.info
