“Hazırda Rusiya, Suriya və Türkiyə XİN rəhbərlərinin görüşünün vaxtı dəqiqləşdirilir”.
Azpost.info xəbər verir ki, bu barədə Rusiya XİN-dəki mənbə bildirib.
“Görüşün vaxtı hazırlanır. Hələlik tarix dəqiqləşməyib. Hər şeyi dəqiqləşdiririk, lakin bu tarix əvvəl bəyan edildiyi kimi, yanvarın 11-i deyil”, – mənbə deyib.
Qeyd edək ki, “Asharq Al-Awsat” qəzeti Rusiya, Suriya və Türkiyə xarici işlər nazirlərinin çərşənbə günü, yanvarın 11-də Moskvada görüşə biləcəyini yazmışdı. O da qeyd olunurdu ki, yanvarın 4-də Dəməşqə səfər edən və Suriya lideri Bəşər Əsədlə görüşən BƏƏ-nin xarici işlər naziri Şeyx Abdullah bin Zayed Əl Nəhyan da üçtərəfli görüşə qatıla bilər. Əldə edilən razılaşmaya görə, Moskvada keçirilən danışıqlar Rusiya, Suriya və Türkiyə prezidentlərinin iştirakı ilə sammitə yol açmalıdır.
Azpost.info
