Bu gecə Rusiya hərbçiləri “Şahed” tipli hücum PUA-larından istifadə edərək yenidən Ukraynanın bir sıra regionlarının enerji infrastrukturuna hücum ediblər.
Azpost.info bildirir ki, Rusiyanın kamikadze PUA-larının bir neçə qrupu görüntülənib. Ölkənin müxtəlif bölgələrində hava hücumu xəbərdarlığı elan edilib.
Ukrayna Müdafiə Qüvvələrinin teleqram kanalında deyilir ki, ölkənin cənubundakı hava hücumundan müdafiə qüvvələri təxminən beş saat ərzində işləyib.
Məlumata görə, gecə saatlarında bu əməliyyat zonasında yeddi dron vurulub: dördü Dnepropetrovsk vilayətində, biri isə Xerson vilayətində, Nikolayev vilayətində və Odessa vilayətində vurulub.
Krivoy Roqda vurulmuş pilotsuz təyyarənin dağıntılarının yerə düşməsi nəticəsində enerji obyektində yanğın baş verib. Yanğın lokallaşdırılıb və yanğınsöndürənlər işlərini davam etdirirlər.
Atışmanın fəsadları aydınlaşdırılır. Əhali arasında ölən və xəsarət alan yoxdur.
