“Rusiya Qərbin hərəkətləri fonunda Rusiya vətəndaşlarına Şengen vizalarının verilməyəcəyi ssenarisini istisna etmir”.
Azpost.info xəbər verir ki, bunu Rusiya Xarici İşlər Nazirliyinin Konsulluq departamentinin direktoru İvan Volınkin bildirib.
“Nazirlik ruslara Şengen vizalarının verilməsini dayandırmaqla bağlı Avropadan gələn çağırışları diqqətlə qeydə alır. Bu bəyanatların əksəriyyətini rusofob siyasətçilər və ya ictimai xadimlər səsləndirir”, – Volınkin deyib.
Onun sözlərinə görə, Rusiya ərazisində yerləşən Latviya, Litva, Polşa, Çexiya və Estoniya konsulluqlarında Rusiya vətəndaşlarına vizanın verilməsi tam dayandırılıb.
Azpost.info
