Rusiyada COVID-19-a yoluxanların sayı 560 mini ötüb

18 İyun 2020 - 12:12

Rusiyada son sutka ərzində daha 7790 nəfər yeni növ koronavirusa (COVID-19) yoluxub.

APA-nın Moskva müxbirinin Operativ Qərargaha istinadən verdiyi məlumata görə, Rusiyada COVID-19-a yoluxanların sayı 561 091 nəfərə çatıb.

Son sutka ərzində 182 nəfərin koronavirusdan öldüyü bildirilib. Ümumilikdə koronavirusdan ölənlərin sayı 7660 nəfərə çatıb.