Rusiya hakimiyyəti gənclər siyasəti və vətənpərvərlik tərbiyəsi ilə məşğul olacaq yeni nazirliyin yaradılmasını müzakirə edir.
Azpost.info xəbər verir ki, bu barədə “Vedomosti”yə prezident administrasiyasına yaxın dörd mənbə bildirib.
Belə bir nazirlik Rusiya prezidenti Vladimir Putinin mayın 7-də inauqurasiya mərasimindən sonra yarana bilər.
“İdeya vətənpərvərlik tərbiyəsinə cavabdeh olan vahid qurumun olmadığı məlum olduqdan sonra yaranıb”, – mənbə qeyd edib. Onun sözlərinə görə, nazirlik “Rosmolodej bazasında” yaradıla bilər.
Yeni qurumun yaradılması üçün Təhsil Nazirliyinin yenidən təşkili tələb olunacaq.
“Səlahiyyətlərinin bir hissəsi Təhsil və Elm Nazirliyinə qaytarılacaq, bir hissəsi isə yeni nazirliyə veriləcək”, – mənbə deyib.
Azpost.info
