Qorki Avtomobil Zavodu (QAZ) “Volqa” brendi altında avtomobillərin istehsalı üçün tərəfdaşlarla danışıqlar aparır.
Azpost.info RİA-ya istinadən bildirir ki, bu barədə Sənaye və Ticarət Nazirliyinin rəhbəri Denis Manturov məlumat verib.
O qeyd edib ki, ölkədən gedən Volkswagen-in boş qalan yerini tutmaq üçün yeni texnologiya tərəfdaşının dəstəyi ilə 2024-cü ildə istehsala başlamağı planlaşdırırlar. Şirkət potensial investorlarla danışıqlar aparır: “Həmkarlar deyirlər ki, yeni modelin mənimsənilməsi təxminən 8-9 ay çəkir. Ancaq biz əlavə olaraq daha bir neçə ayı ehtiyat olaraq götürürük. Yaxın gələcəkdə tərəfdaş haqqında qərar qəbul etmək planlaşdırılır. Düşünürəm ki, gələn yaya qədər bbu baş tutacaq”.
Manturov 2022-ci ilin yayında “Volqa” və “Pobeda” avtomobil markalarının dirçəldilməsi planlarını açıqlayıb. Layihənin Nijni Novqorod və digər regionlarda həyata keçirilə biləcəyini bildirib.
2022-ci ildə Nijni Novqorod vilayətinin qubernatoru Qleb Nikitin bildirib ki, QAZ avtomobil istehsalını canlandıra bilər. O, şirkətin Volqa brendi altında avtomobillər istehsal edəcəyinə ümid etdiyini vurğulayıb.
Azpost.info
