Rusiyada mindən çox çağırışçı Finlandiyadan sığınacaq istəyib

Rusiyada qismən səfərbərlik elan edildikdən sonra Rusiya Federasiyasının 1109 vətəndaşı hərbi xidmətə çağırılmamaq üçün Finlandiyadan sığınacaq istəyib.

TASS xəbər verir ki, bu barədə Finlandiya miqrasiya xidmətinin məlumatında açıqlanıb.

Ölkənin hakimiyyət orqanları çağırışı yaşında olan ruslara sığınacaq verilməsi ilə bağlı hələlik qərar qəbul etməyib.

Qeyd olunur ki, Finlandiya bu məsələ ilə bağlı Avropa İttifaqının mövqeyini  gözləyir. Çünki  Şimali Avropa ölkələri birgə müzakirələr nəticəsində hər hansı tədbir görməzdən əvvəl Aİ-dən göstəriş gözləməyə razılaşıblar.

Xatırladaq ki, Rusiyada qismən səfərbərlik 21 sentyabr 2022-ci ildə elan edilib. Finlandiya Miqrasiya Xidmətinin məlumatına görə, ilk həftədə təxminən 100 nəfər Finlandiyadan sığınacaq istəyib.

Azpost.info

Əvvəlki məqalə

ABŞ-ın nüvə təyyarədaşıyan gəmisi G7 sammitinin keçirildiyi yerə gəlib

Sonrakı məqalə

Ceyhun Bayramov və Ararat Mirzoyan bu gün Moskvada sülh sazişini müzakirə edəcək