Rusiyanın xarici işlər naziri Sergey Lavrov Düşənbədəki 201-ci Rusiya hərbi bazasına səfəri zamanı Qərb ölkələrinin Rusiya və Ukraynanı bölmək cəhdi barədə planlarından danışıb.
Azpost.info bildirir ki, bu barədə XİN rəsmi saytında məlumat verilib.
Lavrov deyib ki, bu planları reallaşmaq onlara nəsib olmayacaq. “Kiyev ABŞ tərəfindən sırf rusofob mahiyyətdə, bədnam amerikalı politoloqların “Ukraynanın bir daha heç vaxt Rusiya ilə bir yerdə olmaması üçün hər şeyi etmək lazımdır” göstərişlərinə əməl edərək “tərbiyə alıb”” -deyə, nazir bildirib.
Lavrovun sözlərinə görə, Qərb dövlətləri artıq Rusiya ilə bağlı nəinki planlar qurmaqla kifayətlənir, artıq onları açıq şəkildə bəyan edirlər.
Bundan əvvəl Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, ABŞ administrasiyası Ukraynada vəziyyətin pisləşməsini, hərbi əməliyyatların coğrafiyasının genişlənməsini, hadisələrin bu cür inkişafını istəmir. “Bu, heç kimin maraqlarına cavab verməzdi”-deyə Kirbi vurğulayıb.
Azpost.info
