“Ukrayna ilə müharibədə Rusiya gözlənilməz hərəkətlər edir və onun növbəti hədəfi Odessa və Dnepri ələ keçirmək ola bilər”.
Azpost.info xəbər verir ki, bunu ABŞ Hərbi Dəniz Qüvvələrinin ehtiyatda olan kapitanı, NATO zabiti Harri Tabax deyib. “Rusiya gözlənilməz, məntiqsiz hərəkətlər edir. Onun bir çox hərəkətlərini izah etmək mümkün deyil. Hər şeyi gözləmək olar və hər şeyə hazır olmaq lazımdır”, – Tabax vurğulayıb.
Onun sözlərinə görə, hazırda Ukrayna Silahlı Qüvvələrinin Baş Qərargahı işğala hazırlıq dövründə olduğundan qat-qat səriştəli hərəkət edir: “Rusiya Dnepr və Odessaya güclü zərbə endirməklə Ukraynanı parçalamaq simptomlarını nümayiş etdirir. Kəşfiyyat uçuşları, atəşlər və s… Hər iki tərəfin az vaxtı var. Rusların yenidən toplanmaq üçün vaxtı azdır. Ukraynanın da vaxtı məhduddur. İndi hər saat, hər dəqiqə, hər saniyə ukraynalıların və hərbçilərin həyatı deməkdir”.
Azpost.info
