Rusiyada, Omsk Neft Emalı Zavodunda (ONPZ) partlayış baş verib.
Azpost.info bildirir ki, bu barədə rus teleqram kanalları məlumat yayıb.
Omsk neft emalı zavodunda yanğın baş verdikdən sonra güclü partlayış olub. 112-dən verilən məlumata görə, yanğının sahəsi 300 kvadratmetrdir.
Omsk neft emalı zavodunda baş verən partlayış nəticəsində iki nəfər yaralanıb. Onların vəziyyəti ağırdır.
Omsk Neft Emalı Zavodunun mətbuat xidmətindən RBC-yə bildiriblər ki, müəssisə normal işləyir. “Omsk neft emalı zavodunda baş verən yanğın nəzarət altındadır. Zavodun avtomatik təhlükəsizlik sistemi texnoloji avadanlıqlarda yanğını aşkar edib. Yanğınsöndürmə xidməti yanğını operativ şəkildə lokallaşdırır”, – məlumatda deyilir.
Omsk Neft Emalı Zavodu Rusiyanın “Qazpromneft”ə məxsus ən böyük neft emalı müəssisələrindən biridir.
