Rusiya-Gürcüstan sərhədində – “Yuxarı Lars-Kazbegi” sərhəd-gömrük keçid məntəqəsi yaxınlığında bir neçə min avtomobil toplanıb. Onların sahibləri ailələri ilə birlikdə sürətlə sərhədi keçərək Gürcüstana keçməyə çalışırlar.
Azpost.info xəbər verir ki, bu barədə “Kommersant” məlumat yayıb.
Sentyabrın 21-də səhər saatlarında Rusiya prezidenti Vladimir Putinin qismən səfərbərlik elan etməsindən sonra sərhədin Rusiya tərəfində böyük növbə yaranıb.
Gürcüstanın Stepantsminda şəhərinin (sərhədə yaxın) administrasiyasından bildiriblər ki, Rusiya tərəfdən 30-35 km-ə qədər uzanan nəhəng avtomobil xətti sentyabrın sonu üçün xarakterik deyil. Çünki Gürcüstanın Qara dəniz sahilində tətil mövsümü bitmək üzrədir.
Sərhədi keçməyi bacaran rusların sözlərinə görə, Rusiya keçid məntəqəsində diqqətlə yoxlanılırlar. Gürcüstan keçid məntəqəsində isə onlardan Gürcüstana hansı məqsədlə getdikləri soruşulur. Əksəriyyəti özlərini turist adlandırırlar.
Rusiyalıları Gürcüstana cəlb edən vizasız rejim, 12 ay qeydiyyatsız yaşamaq imkanı, kirayəyə hazır rahat daşınmaz əmlakın geniş çeşididir.
Azpost.info
