Səudiyyə Ərəbistanında həyata keçirilən “Güzgü Xətti” nəhəng tikinti layihəsinin birinci mərhələsinin necə görünəcəyi ilk dəfə nümayiş edilib.
Səudiyyə Ərəbistanı Krallığı Ərazi İnkişafı Agentliyi tərəfindən layihələşdirilmiş çox böyük və yeni şəhərin tikintisində iştirak etməkdən ötrü dəvət olunan Avstriyanın “Delugan Meissl Associated Architects” memarlıq studiyası ilk əcnəbi şirkət kimi “Güzgü Xətti” adlanan şəhərin tikintisinə cəlb olunmaqla, birinci mərhələnin daxili dizaynına cavabdeh seçilib. Bu layihədə Amerika bürosu “Gensler” məsləhətçi qismində çıxış edəcək, İngiltərənin “Mott MacDonald” studiyası isə infrastruktura cavabdeh olacaq.
Səudiyyə Ərəbistanının növbəti möcüzəsi olacağı deyilən və uzunluğu 2,4 kilometr olacaq “Güzgü Xətti” adlı müasir, həm də üfüqi şəhərin, göydələn meqalayihəsinin ilk seqmentləri bu onilliyin sonuna qədər tamamlanacaq.
Oqtay Qorçu
