Dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının “New In Chess Classic” turnirində Azərbaycan şahmatçısı Şəhriyar Məmmədyarov bürünc medal qazanıb.
Təmsilçimiz üçüncü yer uğrunda Ermənistan şahmatçısı Levon Aronyanla cavab matçında 2,5:0,5 hesablı qələbə qazanıb. Bununla da şahmatçımız bürünc medalı özünə təmin edib.
Qeyd edək ki, Ş.Məmmədyarovun birinci matçda rəqibi ilə qarşılaşması heç-heçə ilə başa çatmışdı. Çempionluq uğrunda norveçli Maqnus Karlsenin ABŞ təmsilçisi Hikaru Nakamura ilə oyunu davam edir.
Ümumi mükafat fondu 100 min ABŞ dolları olan “New In Chess Classic” turniri bu gün başa çatacaq.
“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabrınadək davam edəcək.
