Ekologiya və Təbii Sərvətlər Nazirliyinin Milli Hidrometeorologiya Xidmətinin oktyabrın 11-i saat 9:00-a olan məlumatına əsasən, ölkə ərazisində hava şəraiti qeyri-sabit keçib, şimşək çaxıb, bəzi yerlərdə arabir yağış yağıb.
Xidmətdən verilən məlumata görə, ayrı-ayrı yerlərdə yağıntılar leysan xarakterli olub. Şahdağda sulu qar yağıb.
Düşən yağıntının miqdarı Lənkəranda 18, Astarada 12, Lerikdə 11, Naxçıvanda 10, Yardımlıda 9, Ordubadda 8, İsmayıllı, Biləsuvar, Gədəbəydə 7 millimetr, Qax, Qəbələ, Balakən, Şahdağ, Oğuz, Şərur, Neftçala, Daşkəsən, Gəncə, Şəmkir, Şəki, Zaqatala, Şahbuz, Tovuz, Ağstafa, Tərtər, Şirvan, Qobustan, Naftalan, Culfa, Göyçay, Beyləqan, Kürdəmir, Quba, Şamaxı, Altıağac, Ceyrançöl, Göygöl, Qrız, Xaltan, Bərdə, Ağsu, Mingəçevir, Yevlax, Zərdab, İmişli, Sabirabad, Cəfərxan, Qusar, Sədərəkdə 6, Bakıda və Abşeron yarımadasında 1 millimetrədək olub.
Şimal-qərb küləyi əsib, arabir Şahdağda 20, Naftalanda 18 metr/saniyəyədək güclənib.
Ölkə ərazisində müşahidə olunan qeyri-sabit, yağıntılı və küləkli hava şəraiti oktyabr ayının 12-si gündüzədək davam edəcək. Oktyabrın 13-14-də havanın sabit, əsasən yağmursuz keçəcəyi gözlənilir. Mülayim şimal-şərq küləyi əsəcək.
