Rusiyanın ABŞ-dakı səfiri Anatoli Antonov ABŞ-ın keçmiş dövlət katibi Henri Kissincerin təcrübəsini və strateji uzaqgörənliyini yüksək qiymətləndirdiyini, onun ictimai bəyanatlarını izlədiklərini bildirib.
Azpost.info xəbər verir ki, səfir bu fikirlərini Kissincerin 99 yaşı münasibətilə ünvanladığı təbrikdə səsləndirib. “Hörmətli Henri Kissincer, 99 yaşınız münasibətilə ən səmimi təbriklərimi qəbul edin! Siz bütün dünyada diplomatlar və siyasətçilər arasında əsl nəhəngsiniz. Xarici siyasət nəzəriyyəçisi kimi böyük təcrübəniz misilsizdir, fikirləriniz unikal, düşündürücü və yenilikçidir. Rusiya səfirliyi sizin müstəsna strateji uzaqgörənliyinizi yüksək qiymətləndirir və bütün ictimai çıxışlarınızı diqqətlə izləyir”, – təbrik mətnində deyilir.
Qeyd edək ki, Kissincer Ukraynanı Rusiyaya güzəştə getməyə çağırıb. Onun fikrincə, Qərb sülh danışıqlarını bərpa etmək üçün Ukraynaya təsir göstərməlidir.
Azpost.info
