Telefon
AzPost xəbər verir ki, mütəxəssislər smartfonlarda yaşayan mikrobların insan sağlamlığı üçün risk yarada biləcəyini bildirirlər. ABŞ-ın Health Partners təşkilatının həkimləri xəbərdarlıq edir ki, bu mikroblar müxtəlif xəstəliklərə, o cümlədən qastroenterit, soyuqdəymə və qripə səbəb ola bilər.
Ekspertlərin sözlərinə görə, smartfonlarda yüzlərlə bakteriya, virus və göbələk növü çoxalır. Aktiv smartfon istifadəçiləri üçün xəstələnmə ehtimalı hər zaman yüz faiz olmasa da, cihazlarla təmasdan sonra üz, burun və ağızı toxunmaq riski artırır.
Həkimlər tövsiyə edirlər ki, smartfonlar həftədə ən az bir dəfə mikrofibər salfet və distillə edilmiş su, yaxud 70%-dən yüksək olmayan spirt ilə təmizlənməlidir. Bu qayda cihazlarda mikrobların çoxalmasının qarşısını almağa kömək edir.
Ekspertlər həmçinin smartfonların gigiyenasına diqqət yetirməyin, əl təmizliyinə riayət etməyin və cihazlarla təmasdan sonra əlləri yumağın vacib olduğunu vurğulayırlar.
