Almaniya kansleri Olaf Şolts Avropa Parlamentinin keçmiş Almaniya kansleri Gerhard Şröderə sanksiya tətbiq etmək tələbini rədd edib.
Azpost.info xəbər verir ki, bu barədə “Politico” məlumat yayıb. Şolts Almaniya parlamentinin bu həftə Şröderlə bağlı çıxardığı qərarı yetərli hesab edib. Onun sözlərinə görə, keçmiş kanslerin ofisindən məhrum edilməsi düzgün və ardıcıl qərardır. Şolts qeyd edib ki, Gerhard Şröderə üçün əlavə cəza olmamalıdır: “Hazırda başqa heç nəyə ehtiyac olduğunu düşünmürəm. Lakin Şröder vəzifədən getsə, daha yaxşı olar”. Dünən Avropa Parlamenti Gerhard Şröderlə bağlı qətnamə qəbul edib. Qətnamədə Şröderin Rusiyanın enerji şirkətlərinin, xüsusən də “Rosneft”in maraqları naminə fəaliyyət göstərməkdə davam etdiyi bildirilir. Rusiya şirkətlərindəki vəzifəsini tərk etməyəcəyi təqdirdə ona qarşı sanksiyaların tətbiqi istənilir.
Azpost.info
