“Prezident İlham Əliyevin yaratdığı ən yeni reallıqlar fonunda Rusiya sülhməramlılarının bölgəni tərk etməsi və Qazaxın qeyri-anklav kəndlərinin azad olunması İlham Əliyev siyasətinin və diplomatiyasının uğuru və möhtəşəm qələbəsidir”.
Azpost.info bildirir ki, bu sözləri Haqq-Ədalət Partiyasının sədri Əli insanov bəyanatında bildirib.
Onun sözlərinə görə, Azərbaycan Respublikası ilə Ermənistan Respublikası arasında dövlət sərhəddinin delimitasiyası üzrə Dövlət Komissiyasının 6 konseptual istiqamətdə əldə olunan nəticə, ilk növbədə Prezident İlham Əliyevin uzun illər apardığı gərgin siyasi və diplomatik fəaliyyətinin nəticəsidir.
“Nəticədə xarici qüvvələrin müdaxiləsinə imkan vermədən Azərbaycan-Ermənistanla birgə qarşılıqlı anlaşma şəraitində Prezident İlham Əliyevin təklif etdiyi formada bu məsələni həll edə bildilər və problemin həlli Azərbaycan Prezidenti İlham Əliyevin istədiyi kimi də oldu”.