“Rusiya prezidenti Vladimir Putinlə bağlı “qırmızı xətlər” olmamalıdır, biz zəif ola bilmərik”.
Azpost.info xəbər verir ki, bunu Fransa prezidenti Emmanuel Makron deyib.
O, dolayısı ilə Almaniya kansleri Olaf Şoltsu TAURUS uzaqmənzilli qanadlı raketlərini Ukraynaya ötürməkdən imtina etdiyinə görə tənqid edib.
“İndi Ukraynaya yardım sahəsində sərhədlər qoyanlar sülhü yox, məğlubiyyəti seçirlər. Biz sözümüzlə həddən artıq sərhədlər qoyduq. İki il əvvəl heç vaxt tank göndərməyəcəyimizi söylədik. Amma sonra bunu etdik. İki il əvvəl heç vaxt orta mənzilli raketlər göndərməyəcəyimizi dedik, sonra göndərdik. Bu, Avropada bəziləri tərəfindən verilən qəti bəyanatları nisbiləşdirir”, – Makron ad çəkmədən bildirib.
Azpost.info
