Dünən axşam Hama şəhəri HTŞ-nin əlinə keçdikdən sonra Suriya ordusu Hums şəhəri girişində müdafiə səddi qurmağa çalışsa da, yenə də bacarmadı. Şəhər Rastan rayonu, ardınca isə ətraf qəsəbələri ələ keçirən silahlılar hazırda Humsu mühasirəyə alıblar. Humsun ələ keçməsi yəni zaman məsələsidir.
Hazırda hökumətə bağlı qüvvələr Dəməşq şəhəri girişində barrikadalar qürur. Çunki Humsdan sonra Dəmşqə qədər 150-160 kilometr məsafədə böyük yaşayış məntəqəsi yoxdur.
3 diqqətcəkən hadisə baş verib. Bu gün səhər erkən İsrail Livandan Humsa gedən yolun üzərində yerləşən Quseyr şəhərini bombalayıb. Güman ki, Hizbullah qüvvələri gəlməyə hazırlaşırmış. İkincisi, səhər saatlarında Suriya ordusu Deyir əz-Zor şəhəri aeodromunu kürdlərə verib b çəkilib, günorta isə İŞİD eyni vilayətin bir neçə yaşayış məntəqəsinə hücum edib. Deyr az-Zor İranın İraq ərazisindən Suriya və Livana keçid yolu idi.
Üçüncüsü, gözlənilmədən İordaniya sərhədində silahlı qruplar hökumət qüvvələrinə hücum edib, artıq Dəra və İsraillə sərhəddə Kuneytra vilayətində bəzi qəsəbələrin müxalif qüvvələrin nəzarətinə keçdiyi xəbərləri yayılıb.
Bu 3 hadisə göstərir ki, İdlib qüvvələrinin hücumu planlı, yaxşı hazırlanmış əməliyyatdır. Suriyanın bütün mümkün nöqtələrində silahlı qruplar hərəkətə keçib.
Suriya Yaxın Şərqin “zəif bəndi” idi. Qəzza müharibəsi göstərdi ki, Suriyada Bəşər Əsəd qaldıqca İranın təsirini qırmaq mümkün olmayacaq. Ona görə də zəif bənddən başladılar.
Amma bir məsələ var ki, Suriya əgər tezliklə çökərsə onun “dağıntıları altında” bütün region qala bilər.
Kənan Rövşənoğlu
Politoloq
