Tanınmış səudiyyəli diplomat Məhəmməd əl-Qəhtani Misirdə Ərəb-Afrika konfransında çıxışı zamanı dünyasını dəyişib.
Azpost.info xəbər verir ki, əl-Qəhhtani çıxışında sərhəddə saxta məhsullarla mübarizədən, Səudiyyə Ərəbistanı və Misirin qarşılıqlı əlaqələrindən danışıb.
“Rəbbinə sağlam qəlblə qovuşanlardan başqa heç kimin məqamı və dəyəri yoxdur”, – deyən Kahtani saxta məhsul istehsalçılarına işarə edərək bildirib və bundan dərhal sonra yerə yıxılıb.
Həkimlər və zalda olan həyat yoldaşı Aişə əl-Cəbri dərhal onun yanına qaçıblar. İlkin tibbi yardım göstərilsə də, Qəhtaninin həyatını xilas etmək mümkün olmayıb. Ölüm səbəbi hələ ki açıqlanmır.
Konfrans diplomatın ölümü ilə əlaqədar ləğv edilib. Əl-Qəhtani çıxışı zamanı həm də Misir, Səudiyyə Ərəbistanı, Birləşmiş Ərəb Əmirliklərinin prezidentləri və kralları haqqında danışıb. O, Səudiyyə kralı Salman bin Əbdüləziz əl-Səudu “böyük insan” adlandırıb ki, onun dövründə ölkənin terrorizm və digər problemlərdən uzaq olduğunu deyib.
Azpost.info
