Tbilisidə dörd azərbaycanlının ölümünə səbəb olan qadın sürücü saxlanıldı

17 Avqust 2020 - 08:55

Tbilisi yaxınlığında Məmmədovlar ailəsinin dörd üzvünün ölümü ilə nəticələnən yol qəzasını törədən sürücü qadın saxlanılıb.

“Report” xəbər verir ki, bu barədə Gürcüstanın Daxili İşlər Nazirliyindən bildirilib.

İstintaqla müəyyən olunub ki, saxlanılan 1995-ci il təvəllüdlü şəxs Kvemo Poniçala qəsəbəsində avtomobili ilə yol kənarında dayanan  avtomobilə çırpılıb və yeddi piyadanı vurub. O, daha sonra hadisə yerindən qaçıb.

Qəza nəticəsində iki nəfər hadisə yerində, digər iki nəfər isə xəstəxanada vəfat edib. Xəsarət alan üç nəfər xəstəxanada həkimlərin nəzarəti altındadır.

Qadını altı ildən 10 ilədək azadlıqdan məhrum etmə cəzası gözləyir.