İranın paytaxtı Tehranda hökumət məhəlləsində güclü partlayış baş verib, səbəbi araşdırılır.
AzPost bildirir ki, 6 fevral axşamı Tehranın mərkəzindəki hökumət məhəlləsində partlayış baş verib. Hadisə ilə bağlı xəbərlər sosial mediada yayılmağa başlayıb və hadisə yerindən ilk fotolar da dərc edilib.
Təsdiqlənməmiş məlumatlara görə, partlayış İslam İnqilabı Keşikçiləri Korpusunun Birləşmiş Qərargahına məxsus olduğu güman edilən bir obyektdə baş verib. Partlayışdan sonra bina alovlanıb, ərazidə yanğın və qatı tüstü müşahidə olunub.
Hazırda bu xəbərlərin rəsmi təsdiqi yoxdur. Hadisənin səbəbi araşdırılır və itkilər barədə məlumat yoxdur.
İran hökumətinin və təhlükəsizlik qüvvələrinin nümayəndələri dərc olunduğu vaxt şərh verməyiblər. Hadisənin baş vermə səbəbləri araşdırılır.
