“Dünyanın müxtəlif regionlarında törədilən terror aktlarında təkcə radikal qruplaşmaların deyil, bəzi dövlətlərin kəşfiyyat xidmətlərinin də əli var”.
Azpost.info bildirir ki, bu sözləri Rusiya prezidenti Vladimir Putin beynəlxalq təhlükəsizlik toplantısının iştirakçılarına videomüraciət zamanı deyib.
“Dünyanın müxtəlif regionlarında həyata keçirilən və arxasında təkcə radikal qruplaşmaların deyil, bəzi ölkələrin xüsusi xidmət orqanlarının da dayandığı terror aktlarının məqsədi konstitusiya əsaslarını sarsıtmaq, suveren dövlətlərdə sabitliyi pozmaqdır”, – deyə dövlət başçısı vurğulayıb. .
O qeyd edib ki, terrorçular cinayətlərini törətmək üçün getdikcə daha çox vəhşi üsullardan istifadə edirlər. Bunu Moskva yaxınlığındakı Crocus City Hall konsert zalına edilən hücum nümayiş etdirdi. Prezident bu terror aktında iştirak edənlərin hamısının müəyyən edilərək cəzalandırılmasının vacibliyini vurğulayıb.
Xatırladaq ki, martın 22-də Crocus City Hall-a silahlı basqın nəticəsində 144 nəfər həlak olub, 550-dən çox insan yaralanıb. Rusiya baş prokuroru İqor Krasnovun sözlərinə görə, Moskva yaxınlığındakı konsert zalında törədilən terror aktında Ukrayna izi göz qabağındadır.
